MAY 2024 -TODAY CURRENT AFFAIRS IN TAMIL 09.05.2024 - 10.05.2024

10 ஆம் வகுப்புத் தேர்வு முடிவுகள்:2024

• தமிழகத்தில் மாநில பாடத்திட்டத்தின் கீழ் சுமார் 9.08 லட்சம் பேர் பத்தாம் வகுப்புப் பொதுத் தேர்வை எழுதினர். இவர்களில் 91.55 சதவீதம் பேர் தேர்ச்சி பெற்றுள்ளனர். கடந்த ஆண்டு 91.39 சதவீதம் பேர் தேர்ச்சி பெற்ற நிலையில், இந்த ஆண்டு கூடுதலாக மாணவர்கள் தேர்ச்சி பெற்றிருக்கிறார்கள். 
• பத்தாம் வகுப்புப் பொதுத் தேர்வில் வழக்கம் போல மாணவர்களை விட மாணவிகளே அதிகளவில் தேர்ச்சி பெற்றிருக்கிறார்கள். மாணவர்களை விட 5.95 சதவீதம் மாணவிகள் அதிக தேர்ச்சி பெற்றுள்ளனர். அதாவது தேர்வெழுதிய மாணவிகளில் 94.53 சதவீதம் பேரும் தேர்வெழுதிய மாணவர்களில் 88.58 சதவீதம் பேரும் தேர்ச்சி பெற்றிருக்கிறார்கள். 
• பத்தாம் வகுப்பு பொதுத் தேர்வில் மொத்தம் 4,105 பள்ளிகள் 100 சதவீதம் தேர்ச்சி பெற்றுள்ளன. அரசுப் பள்ளிகளில் 87.90 சதவீதம் பேர் 100 சதவீதம் தேர்ச்சி பெற்றுள்ளன.
• அரியலூர் மாவட்டத்தில், 186 பள்ளிகளைச் சேர்ந்த 9565 மாணவ,மாணவிகள் தேர்வு எழுதினர். இதில் 9308 பேர் தேர்ச்சி பெற்றுள்ளனர். தேர்ச்சியில் 97.31 சதவீதம் பெற்று மாநில அளவில் அரியலூர் மாவட்டம் முதல் இடத்தை பிடித்துள்ளது. சிவகங்கை மாவட்டம் 97.02 சதவிகிதம் தேர்ச்சியுடன் இரண்டாம் இடத்தையும், ராமநாதபுரம் மாவட்டம் 96.36 சதவிகிதம் தேர்ச்சியுடன் மூன்றாம் இடத்தையும், கன்னியாகுமரி மாவட்டம் 96.24 சதவிகிதம் தேர்ச்சியுடன் நான்காம் இடத்தையும் பிடித்துள்ளது. மேலும், திருச்சி மாவட்டம் 95.23 சதவிகித தேர்ச்சியுடன் ஐந்தாம் இடத்தை பிடித்துள்ளது.

இந்தியக் கடற்படையின் பணியாளர்கள் தலைவராக :

• வைஸ் அட்மிரல் சஞ்சய் பல்லா,         ஏவிஎஸ்எம், என்எம், இந்தியக் கடற்படையின் பணியாளர்கள் தலைவராக 2024, மே 10  பொறுப்பேற்றார். இவர் 1989 ஜனவரி 1 அன்று இந்தியக் கடற்படையில் பணியில் சேர்ந்தார். 35 ஆண்டு காலப் பணியில், அவர் பல நிபுணத்துவமான, ஊழியர்கள் நலன் மற்றும் செயல்பாட்டு பொறுப்புகளை வகித்துள்ளார்.
• தகவல் தொடர்பு, மின்னணு போர் ஆகியவற்றில் தனது நிபுணத்துவ படிப்பை முடித்த பின், பல முன்னணி போர்க்கப்பல்களில் அவர் நிபுணராகப் பணியாற்றினார். அதைத் தொடர்ந்து, ஐஎன்எஸ் நிஷாங்க், ஐஎன்எஸ் தரகிரி, ஐஎன்எஸ் பியாஸ் உள்ளிட்ட போர்க்கப்பல்களில் சவாலான, நிறைவான மற்றும் நிகழ்வுகள் நிறைந்த பணிகளை அவர் மேற்கொண்டுள்ளார். பணியாளர்கள் தலைவராகப் பொறுப்பேற்பதற்கு முன், மேற்குக் கடற்படை பிரிவின் தலைமைத் தளபதியாக அவர் இருந்தார். ஆபரேஷன் சங்கல்ப் போன்ற நடவடிக்கைகளையும் சிந்துதுர்க்கில் கடற்படை தின அணிவகுப்பு 2023 போன்ற நிகழ்வுகளையும் அவர் மேற்பார்வையிட்டுள்ளார்.

விக்டோரியா ஷி (Victoria Shi) : 

• உக்ரைனின் வெளியுறவு அமைச்சகம் அதன் டிஜிட்டல் செய்தித் தொடர்பாளராக (digital spokesperson) விக்டோரியா ஷி ((Victoria Shi)) என்ற செயற்கை நுண்ணறிவால் உருவாக்கப்பட்ட உருவத்தை (avatar) அறிமுகப்படுத்தியுள்ளது. 
• விக்டோரியா ஷி , தொழில்முறை உடையில், சமூக ஊடகங்கள் வழியாக தூதரக விவகாரங்கள் பற்றிய புதுப்பிப்புகளை வழங்குகிது. அவரது தோற்றம் AI-உருவாக்கப்பட்டிருந்தாலும், அவர் வழங்கும் உள்ளடக்கம் மனிதனால் எழுதப்பட்டு சரிபார்க்கப்பட்டிருக்கும்.   

ஸ்ட்ரைக் - 2 (Gagan Strike-II) : 

• இந்திய இராணுவத்தின் கார்கா கார்ப்ஸ்  (Kharga Corps) மற்றும் இந்திய விமானப்படையிடையேயான (Indian Air Force (IAF) மூன்று நாள் கூட்டு இராணுவப் பயிற்சி ‘Gagan Strike-II’  பஞ்சாபில் 8-10 மே 2024 தினங்களில் நடைபெறுகிறது. 

ரஃபி அகமது கித்வாய் எழுதிய அசல் கடிதங்களை இந்திய தேசிய ஆவணக் காப்பகம்  வாங்கியுள்ளது:

• பண்டிட் நேரு, சர்தார் படேல், ஷியாமா பிரசாத் முகர்ஜி, பி.டி.டாண்டன் போன்ற பிற புகழ்பெற்ற தலைவர்களுடன்  கடிதத் தொடர்பு வைத்திருந்த கித்வாய் எழுதிய அசல் கடிதங்களை இந்திய தேசிய ஆவணக் காப்பகம்  வாங்கியுள்ளது. 
• மறைந்த ரஃபி அகமது கித்வாய் துடிப்புமிக்க, புத்திசாலித்தனம் மற்றும் வசீகரம் கொண்ட ஒரு மனிதராகத் திகழ்ந்தார். அவர் நமது நாட்டின் சுதந்திரத்திற்கான இடைவிடாத முயற்சிகளுக்காகவும், வகுப்புவாதம் மற்றும் அனைத்து வகையான மூடநம்பிக்கைகளையும் மறுத்ததற்காகவும் அறியப்பட்டவர். 1894 பிப்ரவரி 18, அன்று உத்தரபிரதேசத்தின் மசௌலியில் பிறந்த இவர், ஒரு நடுத்தர வர்க்க ஜமீன்தார் குடும்பத்தைச் சேர்ந்தவர். இவரது அரசியல் பயணம் 1920-ம் ஆண்டில் கிலாபத் இயக்கம் மற்றும் ஒத்துழையாமை இயக்கத்தில் ஈடுபட்டதன் மூலம் தொடங்கியது, இது சிறைவாசத்திற்கு வழிவகுத்தது. கித்வாய் மோதிலால் நேருவின் தனிச் செயலாளராக பணியாற்றினார், பின்னர் காங்கிரஸ் சட்டமன்றம் மற்றும் ஐக்கிய மாகாண காங்கிரஸ் குழுவில் குறிப்பிடத்தக்க பதவிகளை வகித்தார். அவரது அரசியல் புத்திசாலித்தனம் அவரை பண்டிட் கோவிந்த் வல்லப் பந்தின் அமைச்சரவையில் அமைச்சராக வழிநடத்தியது, அங்கு அவர் வருவாய் மற்றும் சிறைத் துறைகளை நிர்வகித்தார். சுதந்திரத்திற்குப் பிறகு, ஜவஹர்லால் நேருவின் அமைச்சரவையில் இந்தியாவின் முதல் தகவல் தொடர்பு அமைச்சராக பணியாற்றினார், "உங்கள் தொலைபேசியை சொந்தமாக்குங்கள்" சேவை மற்றும் இரவு விமான அஞ்சல் போன்ற முயற்சிகளைத் தொடங்கினார். 1952 ஆம் ஆண்டில், அவர் உணவு மற்றும் வேளாண் துறையின் பொறுப்பை ஏற்றுக்கொண்டார், தனது நிர்வாக திறன்களால் உணவு விநியோக சவால்களை வெற்றிகரமாக எதிர்கொண்டார்.
• 1956-ம் ஆண்டில் இந்திய வேளாண் ஆராய்ச்சி குழுமம் ரஃபி அகமது கித்வாய் விருதை உருவாக்கியதன் மூலம் இவரது பங்களிப்புகள் அங்கீகரிக்கப்பட்டன.  

கஞ்சாவை சட்டபூர்வமாக்கும் பாகிஸ்தான்:

• தற்போதுள்ள பொருளாதார நெருக்கடியை சமாளிக்க, மருத்துவப் பயன்பாட்டுக்கு கஞ்சா சாகுபடியை சட்டபூர்வமாக்க பாகிஸ்தான் அரசு முடிவெடுத்துள்ளதாகத் தகவல்கள் தெரிவிக்கின்றன. கஞ்சா சாகுபடி மற்றும் வர்த்தகத்தைக் கண்காணிக்க தனி சட்டத்தை கடந்த பிப்ரவரி மாதம் இயற்றிய பாகிஸ்தான் அரசு, இதற்கென கஞ்சா கட்டுப்பாடு மற்றும் ஒழுங்குமுறை ஆணையத்தை அமைத்துள்ளது.
• தவறான நோக்கங்களுக்காக கஞ்சாவைப் பயன்படுத்தினால் அதற்குக் கடுமையான அபராதம் விதிக்கப்படும் என்று பாகிஸ்தான் அரசு அறிவித்துள்ளது. தனி நபர்களுக்கு அபராதமாக பாகிஸ்தான் ரூபாயில் 10 இலட்சம் முதல் 1 கோடியும், நிறுவனங்களுக்கு 1 கோடி முதல் 20 கோடியும் விதிக்கப்படும் என்றும், இந்த விதிமுறைகளுக்குட்பட்டு கஞ்சா வளர்ப்பதற்கான உரிமம் பாகிஸ்தான் அரசால் வழங்கப்படும் என்றும் அறிவித்துள்ளது.

” iCube-Qamar” : ” 

• iCube-Qamar”  என்று பெயரிடப்பட்டுள்ள பாகிஸ்தானின் முதலாவது சந்திர பயணத்தை  பாகிஸ்தானும் சீனாவும் கூட்டாக அறிமுகப்படுத்தியுள்ளன.  
• பாகிஸ்தானின் விண்வெளி தொழில்நுட்ப நிறுவனம் (Institute of Space Technology (IST)), பாகிஸ்தானி விண்வெளி முகமை SUPARCO மற்றும் சீனாவின் SJTU ஆகியவற்றால் உருவாக்கப்பட்ட 7 கிலோ கொண்ட இந்த  செயற்கைக்கோள், சீனாவின் Chang'e-6 ராக்கெட்டின் மூலம் 3.5.2024 அன்று விண்ணில் செலுத்தப்பட்டது. 
• iCube-Qamar  சந்திரனின் மேற்பரப்பைப் படம்பிடிப்பதற்கும் அதன் சுற்றுப்பாதையில் இருந்து பூமி-சந்திரன் காட்சிகளைப் படம்பிடிப்பதற்கும் இது இரண்டு கேமராக்களைக் கொண்டுள்ளது. இது 3 முதல் 6 மாதங்களுக்கு சந்திரனைச் சுற்றி வரும், மதிப்புமிக்க தரவுகளை பூமி நிலையங்களுக்கு அனுப்பும்.

ரஷியாவின்  அதிபராக 5-ஆவது முறையாக விளாதிமீா் புதின் பொறுப்பேற்றார்:

• ஏற்கெனவே ஸ்டாலினுக்கு அடுத்தபடியாக ரஷியாவின் தலைமைப் பொறுப்பை நீண்ட காலம் வகித்துள்ள புதின், கடந்த மாா்ச் மாதம் நடைபெற்ற பெயரளவு அதிபா் தோ்தலில் வெற்றி பெற்றதைத் தொடா்ந்து வரும் 2030 வரை அந்தப் பதவியில் நீடிப்பாா். 
• அரசியல் சாசனத்தில் மேற்கொள்ளப்பட்டுள்ள திருத்தத்தின் கீழ், அதற்குப் பிறகும் அதிபா் தோ்தலில் புதினால் போட்டியிட முடியும்.

ஜப்பானை பின்னுக்குத் தள்ளி உலகின் 4-வது பெரிய சூரிய சக்தி உற்பத்தியாளராக இந்தியா சாதனை படைத்துள்ளது:

• 2015-ல் சூரிய சக்தி உற்பத்தியாளர் வரிசையில் இந்தியா 9-வது இடத்தில் இருந்தது. இந்நிலையில் 2023-ல் இந்தியா சூரிய ஒளி சக்தி உற்பத்தியில் 4-வது இடத்துக்கு முன்னேறியுள்ளது. இதன்மூலம் 4-வது இடத்தில் இருந்த ஜப்பானை இந்தியா பின்னுக்குத் தள்ளியுள்ளது.
• உலகில் உருவாகும் மொத்த மின்சார உற்பத்தியில் சூரிய ஒளி மின்சாரத்தின் பங்கு 5.5 சதவீதமாகும். உலகம் முழுவதும் தயாரிக்கப்படும் சூரிய ஒளி மின்சாரத்தில் இந்தியாவின் பங்கு 5.8 சதவீதம் என்பது குறிப்பிடத்தக்கது.
• 2023-ல் இந்தியா 18 டெராவாட் மணி நேரம் (டிடபிள்யூஎச்) சூரிய ஒளி மின்சாரத்தை உற்பத்தி செய்துள்ளது. இந்த வரிசையில் முதலிடத்தில் சீனா (156 டிடபிள்யூஎச்), 2-வது இடத்தில் அமெரிக்கா (33 டிடபிள்யூஎச்), பிரேசில் (22 டிடபிள்யூஎச்) ஆகிய நாடுகள் உள்ளன.
• ஆண்டுதோறும் உலக சூரிய ஒளி மின் உற்பத்தியில் அமெரிக்கா, சீனா, பிரேசில், இந்தியா ஆகிய 4 நாடுகள் 75 சதவீதத்தை உற்பத்தி செய்கின்றன.

ஐ.நா.வின் அங்கமான சர்வதேச புலம்பெயர்வு அமைப்பு உலக புலம்பெயர்வு அறிக்கை 2024:

• ஐ.நா.வின் அங்கமான சர்வதேச புலம்பெயர்வு அமைப்பு உலக புலம்பெயர்வு அறிக்கை 2024ஐ வெளியிட்டுள்ளது. 
• இந்த அறிக்கையின்படி, வெளிநாடுகளில் வசித்தும் பணியாற்றியும் வரும் இந்தியர்கள், இந்தியாவில் உள்ள தங்கள் குடும்பத்தினருக்கு 2022-ஆம் ஆண்டு ரூ.111.22 பில்லியன் டாலர்கள், அதாவது ரூ.9.28 லட்சம் கோடி அனுப்பியுள்ளனர். இதன் மூலம் உலக அளவில் வெளிநாடுகளில் வசித்தும் பணியாற்றியும் வருவோர் தங்கள் தாயகத்துக்கு அனுப்பிய தொகை 100 பில்லியன் டாலர்களை தாண்டியுள்ளது இதுவே முதல்முறை. இந்தப் பெருமையை பெற்ற முதல் நாடாக இந்தியா விளங்குகிறது. 
• இந்தப் பட்டியலில் மெக்ஸிகோ 2-ஆவது இடத்தில் உள்ளது. வெளிநாடுகளில் வசிக்கும் மெக்ஸிகோ குடிமக்கள் மூலம் அந்நாட்டுக்கு 2022-ஆம் ஆண்டு 61.10 பில்லியன் டாலர்களுக்கும் அதிகமாக அதாவது இந்திய மதிப்பில் ரூ.5.10 லட்சம் கோடிக்கும் மேலாக அனுப்பப்பட்டுள்ளது. மூன்றாவது இடத்தில் உள்ள சீனாவுக்கு 2022-ஆம் ஆண்டு வெளிநாடுகளில் வசிக்கும் சீனர்கள் மூலம் 51 பில்லியன் டாலர் அதாவது ரூ.4.25 லட்சம் கோடி கிடைத்துள்ளது.

பெண்களுக்கு எதிரான வன்முறையை எதிர்த்து சட்டம் இயற்றிய ஐரோப்பிய ஒன்றியம் : 

மே 7 அன்று, ஐரோப்பிய ஒன்றியம் (EU) அதன் 27 உறுப்பு நாடுகளில் பெண்களுக்கு எதிரான வன்முறையை எதிர்த்துப் போராடுவதை நோக்கமாகக் கொண்ட புதிய சட்டத்தை முறையாக ஏற்றுக்கொண்டது.

கட்டாயத் திருமணம், பெண் பிறப்புறுப்பைச் சிதைத்தல் மற்றும் இணைய வன்முறை, பெண்களின் உரிமைகள் மற்றும் பாதுகாப்பை மேம்படுத்துதல் போன்ற குற்றங்களைச் சட்டம் குறிவைக்கிறது.

முக்கிய அம்சங்கள்:

• ஆன்லைனில் பின்தொடர்தல், துன்புறுத்தல் மற்றும் அந்தரங்கப் படங்களை சம்மதிக்காமல் பகிர்தல் போன்ற செயல்களை சட்டம் குற்றமாக்குகிறது.
• குற்றங்கள் சிறைத்தண்டனை மூலம் தண்டிக்கப்படும், தீவிரத்தன்மையைப் பொறுத்து ஒரு வருடம் முதல் ஐந்து ஆண்டுகள் வரை.
• பாதிக்கப்பட்டவர் மைனராக இருந்தால் அல்லது குற்றவாளியுடன் குடும்ப உறவைக் கொண்டிருந்தால் மேம்படுத்தப்பட்ட அபராதங்கள் விதிக்கப்படும்.

பாதிக்கப்பட்டவர்களுக்கு ஆதரவு மற்றும் பாதுகாப்பு

• குழந்தைகள் உட்பட குடும்ப துஷ்பிரயோகத்தால் பாதிக்கப்பட்டவர்களுக்கு ஆதரவை சட்டம் வலியுறுத்துகிறது.
• ஒரு குழந்தை ஒரு குற்றத்தைப் புகாரளிக்கும் சந்தர்ப்பங்களில், குற்றம் சாட்டப்பட்ட குற்றவாளிக்குத் தெரிவிக்கும் முன் அதிகாரிகள் குழந்தையின் பாதுகாப்பை உறுதி செய்ய வேண்டும்.

அமலாக்கம் மற்றும் தாக்கம்

• ஐரோப்பிய ஒன்றிய உறுப்பு நாடுகள் இந்த விதிகளை மூன்று ஆண்டுகளுக்குள் தேசிய சட்டங்களில் ஒருங்கிணைக்க வேண்டும்.
• ஐரோப்பிய ஒன்றியம் முழுவதும் உள்ள சட்டங்களின் ஒத்திசைவு பாலின அடிப்படையிலான வன்முறைக்கான சட்டப்பூர்வ பதிலை வலுப்படுத்துவதையும் பாதிக்கப்பட்டவர்களுக்கு விரிவான ஆதரவை உறுதி செய்வதையும் நோக்கமாகக் கொண்டுள்ளது.

ஐரோப்பிய ஒன்றியம் பற்றி

• ஐரோப்பிய ஒன்றியம் என்பது 27 ஐரோப்பிய நாடுகளின் அரசியல் மற்றும் பொருளாதார ஒன்றியமாகும், இது 1993 இல் மாஸ்ட்ரிச் உடன்படிக்கையால் நிறுவப்பட்டது.EU தரப்படுத்தப்பட்ட சட்டங்களைக் கொண்ட ஒற்றைச் சந்தையைக் கொண்டுள்ளது மற்றும் 19 உறுப்பு நாடுகளில் யூரோவை அதன் நாணயமாகப் பயன்படுத்துகிறது.

ஐ.நா. பயங்கரவாத எதிா்ப்பு அறக்கட்டளை நிதிக்கு 500,000 டாலரை (சுமாா் ரூ.4.17 கோடி) இந்தியா 8.5.2024 அன்று வழங்கியது:

• இந்த நிதியை ஐ.நா. பயங்கரவாத எதிா்ப்பு அலுவலக சாா்பு தலைவா் விளாதிமீா் வொரோன்கோவிடம் ஐ.நா.வுக்கான இந்திய தூதா் ருச்சிரா கம்போஜ் வழங்கினாா். 
• தற்போது அளிக்கப்பட்ட 500,000 டாலரையும் சோ்த்து ஐ.நா. பயங்கரவாத எதிா்ப்பு அறக்கட்டளை நிதிக்கு இந்தியா இதுவரை 2.55 மில்லியன் டாலா்கள் (சுமாா் ரூ.21 கோடி) வழங்கியுள்ளது.

இலங்கையில் காற்றாலை மின் நிலையங்கள் :

• இலங்கையில் காற்றாலை மின் நிலையங்கள் அமைப்பதற்காக, அதானி கிரீன் எனர்ஜி லிமிடெட் (Adani Green Energy Limited(AGEL))  மற்றும் இலங்கை அரசு இடையே 20 ஆண்டு ஒப்பந்தம் கையெழுத்திடப்பட்டுள்ளது. 
• ஒப்பந்தத்தின்படி, AGELக்கு ஒரு கிலோவாட்-மணிநேரத்திற்கு (kWh) 8.26 சென்ட்கள் (cents) வழங்கப்படும். அதானி நிறுவனம் இலங்கையில் மன்னார் மற்றும் பூனேரினில் காற்றாலை மின் நிலையங்களை நிறுவும்.

108வது புலிட்சர் பரிசுகள் (Pulitzer Prize ) 2024) : 

• ProPublica 2024 ஆம் ஆண்டுக்கான புலிட்சர் பரிசை பத்திரிக்கை துறையில் பொது சேவை பிரிவின் (Pulitzer Prize in Journalism under the Public Service category) கீழ் வென்றது.  
• நியூயார்க் டைம்ஸின் ஹன்னா ட்ரேயர், புலனாய்வு அறிக்கையிடல் பிரிவின் (Investigative Reporting category) கீழ் 2024 ஆம் ஆண்டுக்கான பத்திரிகைக்கான புலிட்சர் பரிசை வென்றார்.
• வாஷிங்டன் போஸ்ட்டின் டேவிட் இ. ஹாஃப்மேன், தலையங்கப் பிரிவின் (Editorial Writing category) கீழ் 2024 ஆம் ஆண்டுக்கான புலிட்சர் பரிசை வென்றார்.
• பிரேக்கிங் நியூஸ் போட்டோகிராபியின் (Breaking News Photography) கீழ் 2024 ஆம் ஆண்டுக்கான பத்திரிகைக்கான புலிட்சர் பரிசை ராய்ட்டரின் புகைப்படக் கலைஞர்கள் வென்றனர்.
• அதேசமயம், அசோசியேட்டட் பிரஸ்ஸின் புகைப்படக் கலைஞர்கள், 2024 ஆம் ஆண்டுக்கான புலிட்சர் பரிசை பத்திரிகைக்கான சிறப்புப் புகைப்படப் பிரிவின் (Feature Photography category)  கீழ் வென்றனர்.
• இந்த ஆண்டு சிறப்பு மேற்கோள் (special citation) பரிசு மறைந்த எழுத்தாளர் மற்றும் விமர்சகர் கிரெக் டேட்டுக்கு வழங்கப்படுகிறது.

மாட்ரிட் ஓபன் டென்னிஸ் போட்டி 2024:

• ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் மகளிா் ஒற்றையா் பிரிவில், போலந்தின் இகா ஸ்வியாடெக் சாம்பியன் பட்டம் வென்றாா். இந்தப் போட்டியில் அவா் வாகை சூடியது இதுவே முதல் முறையாகும்.
• மேலும், ஆடவர் ஒற்றையர் பிரிவில்,   ரஷியாவின் ஆண்ட்ரே ரூபலேவ் சாம்பியன் பட்டத்தை முதல் முறையாகக் கைப்பற்றினாா்.

நடப்பு நிகழ்வுகள் கேள்வி மற்றும் பதில்கள் ஏப்ரல்-2024:

Current Affairs Question and Answers in Tamil -April-2024:

2023-ல் இந்தியா சூரிய ஒளி சக்தி உற்பத்தியில் ----- இடத்துக்கு முன்னேறியுள்ளது?

A) 1-வது இடத்துக்கு

B)  2-வது இடத்துக்கு

C)  3-வது இடத்துக்கு

D) 4-வது இடத்துக்கு

ANS : D) 4-வது இடத்துக்கு

• MAY 2024 - CURRENT AFFAIRS QUESTION AND ANSWERS IN TAMIL 

நடப்பு நிகழ்வுகள் 2024

• JANUARY 2024 -TNPSC CURRENT AFFAIRS IN TAMIL / ஜனவரி 2024
• FEBRUARY 2024 -TNPSC CURRENT AFFAIRS IN TAMIL / பிப்ரவரி2024
• MARCH 2024 -TNPSC CURRENT AFFAIRS IN TAMIL / மார்ச் 2024
• APRIL 2024 -TNPSC CURRENT AFFAIRS IN TAMIL / ஏப்ரல்  2024
• MAY 2024 -TNPSC CURRENT AFFAIRS IN TAMIL / மே   2024