மகளிர் இடஒதுக்கீடு மசோதா 2023- முக்கிய அம்சங்கள்

NARI SHAKTI VANDAN ADHINIYAM

மகளிர் இடஒதுக்கீடு மசோதா 2023- முக்கிய அம்சங்கள்:

மகளிர் இடஒதுக்கீடு மசோதா 2023, அதிகாரப்பூர்வமாக அரசியலமைப்பு (128 திருத்தம்) மசோதா, 2023 மற்றும் நாரி சக்தி வந்தன் அதினியம் என்றும் அழைக்கப்படுகிறது, இது இந்திய நாடாளுமன்றத்தில் அறிமுகப்படுத்தப்பட்ட ஒரு மசோதா ஆகும். இந்த மகளிர் இடஒதுக்கீடு மசோதா 19 செப்டம்பர் 2023 அன்று நாடாளுமன்றத்தின் சிறப்புக் கூட்டத்தொடரின் போது மக்களவையில் அறிமுகப்படுத்தப்பட்டது. இந்த சட்டம் நேரடியாக தேர்ந்தெடுக்கப்பட்ட மக்களவை மற்றும் மாநில சட்டமன்றங்களில் 33 சதவீத இடங்களை பெண்களுக்கு ஒதுக்க முயல்கிறது.

மக்களவை மற்றும் மாநில சட்டமன்றங்களில் மூன்றில் ஒரு பங்கு இடங்களை பெண்களுக்கு ஒதுக்குவதற்கான வரலாற்று சிறப்புமிக்க மசோதாவுக்கு மாநிலங்களவை வியாழக்கிழமை ஒப்புதல் அளித்தது. 128-வது அரசியல் சட்டத் திருத்த மசோதா மக்களவையில் புதன்கிழமை மூன்றில் இரண்டு பங்கு பெரும்பான்மையுடன் நிறைவேற்றப்பட்டது. மாநிலங்களவையின் ஒப்புதலுடன், இந்த வரலாற்று சிறப்புமிக்க மசோதா நாடாளுமன்றத்தில் நிறைவேற்றப்பட்டுள்ளது.

THE WOMEN'S RESERVATION BILL, 2023- KEY POINTS

மகளிர் இடஒதுக்கீடு மசோதா மாநிலங்களவையில் 21.09.2023 ஒருமனதாக நிறைவேற்றப்பட்டது.

25 ஆண்டுகளுக்கும் மேலாக நிலுவையில் இருந்த இந்த மசோதா, பார்லிமென்ட் சிறப்பு கூட்டத்தொடரில் நிறைவேற்றப்பட்டது.

'நாரி சக்தி வந்தன் அதினியம்' என்று அழைக்கப்படும் இந்த மசோதா, மக்களவை, மாநில சட்டமன்றங்கள் மற்றும் டெல்லி சட்டமன்றத்தில் பெண்களுக்கு 33% இடங்களை ஒதுக்க முயற்சிக்கிறது. இந்த இடஒதுக்கீடு மாநிலங்களவை அல்லது மாநில சட்ட மேலவைகளுக்கு பொருந்தாது.

முதல் மக்கள்தொகை கணக்கெடுப்புக்கான உரிய புள்ளிவிவரங்கள் வெளியிடப்பட்ட பின்னர் தொகுதி மறுவரையறை மேற்கொள்ளப்பட்ட பிறகு இட ஒதுக்கீடு நடைமுறைக்கு வரும்.

மகளிர் இடஒதுக்கீடு மசோதாவுக்கு ஆதரவாக 454 உறுப்பினர்களும், எதிராக 2 உறுப்பினர்களும் மக்களவையில் புதன்கிழமை நிறைவேற்றினர்.

ஆதிதிராவிடர் மற்றும் பழங்குடியினருக்கு ஒதுக்கப்பட்ட மொத்த இடங்களில் மூன்றில் ஒரு பங்கு அந்த குழுக்களைச் சேர்ந்த பெண்களுக்கு ஒதுக்கப்பட வேண்டும் என்று அது கட்டாயப்படுத்துகிறது.

ராஜ்யசபா அல்லது மாநில சட்ட மேலவைகளுக்கு இந்த ஒதுக்கீடு பொருந்தாது.

இந்த மசோதாவை அறிமுகப்படுத்திய மத்திய சட்ட மற்றும் நீதித்துறை அமைச்சர் அர்ஜுன் ராம் மேக்வால், இது நிறைவேற்றப்பட்டதும், லோக்சபாவில் உள்ள பெண் எம்.பி.க்களின் எண்ணிக்கையான 543-க்கு 181 பெண் எம்.பி.க்கள் இருப்பார்கள். தற்போதைய லோக் சபாவில் 82 பெண் எம்.பி.கள் உள்ளனர். 

மகளிர் இடஒதுக்கீடு மசோதா வரலாறு 

செப்டம்பர் 1996 இல், இந்தியாவின் முன்னாள் பிரதமர் எச். டி. தேவகவுடாவின் ஆட்சிக் காலத்தில், இந்த மசோதா முதன்முதலில் 81வது சட்டத்திருத்த மசோதாவாக மக்களவையில் அறிமுகப்படுத்தப்பட்டது.மக்களவையில் இந்த மசோதாவை நிறைவேற்ற முடியாமல் போனதால், பார்லிமென்ட் கூட்டுக் குழுவுக்கு அனுப்பப்பட்டது.இந்தக் குழு தனது அறிக்கையை டிசம்பர் 1996 இல் சமர்ப்பித்தது. இந்த மசோதா மீது விவாதம் நடைபெறுவதற்கு முன்பே மக்களவை கலைக்கப்பட்டு மசோதா ரத்து செய்யப்பட்டது.

பின்னர் 12வது மக்களவையில் முன்னாள் பிரதமர் அடல் பிஹாரி வாஜ்பாய் தலைமையிலான தேசிய ஜனநாயக கூட்டணி அரசு மீண்டும் இந்த மசோதாவை மக்களவையில் தாக்கல் செய்தது.அப்போதைய சட்ட அமைச்சர் எம். தம்பிதுரை நாடாளுமன்றத்தில் மசோதாவை தாக்கல் செய்தார், மேலும் ஆர்ஜேடி (ராஷ்ட்ரீய ஜனதா தளம்) எம்பி ஒருவர் மக்களவையின் அரங்கிற்கு வந்து மசோதாவின் நகலை கிழித்து எறிந்தார். அதே ஆண்டில், இந்த மசோதாவுக்கு எம்.பி.க்களின் ஆதரவைப் பெற முடியவில்லை.

அதன்பிறகு, 1999, 2002, 2003ல், இந்த மசோதா, சட்டசபையில் தாக்கல் செய்யப்பட்டாலும், ஒருமுறை கூட, இந்த மசோதாவை நிறைவேற்ற முடியவில்லை. சுவாரஸ்யமாக, காங்கிரஸ், பாஜக மற்றும் பல இடதுசாரி உறுப்பினர்கள் ஆதரவு அளித்த போதிலும், இந்த மசோதாவை அங்கீகரிக்க முடியவில்லை.

2008 ஆம் ஆண்டில், மன்மோகன் சிங் தலைமையிலான ஐக்கிய முற்போக்குக் கூட்டணி அரசாங்கம் ராஜ்யசபாவில் மசோதாவை அறிமுகப்படுத்தியது, அது 186 க்கு 1 என்ற வாக்குகளில் 9 மார்ச் 2010 அன்று நிறைவேற்றப்பட்டது.ஆனால் லோக்சபாவில் அறிமுகப்படுத்தப்படும் பட்டியலில் இந்த மசோதா ஒருபோதும் எடுக்கப்படவில்லை, மேலும் 15 வது மக்களவை கலைக்கப்பட்டவுடன், இந்த மசோதாவும் காலாவதியானது.அப்போது லாலு பிரசாத் யாதவின் RJD, JDU (Janata Dal United) மற்றும் சமாஜ்வாதி கட்சி ஆகியவை இந்த மசோதாவை பிரதானமாக எதிர்த்தன.